Albisteak

ANDOAINGO LA SALLE BERROZPE IKASTETXEAK, 'CHOICES GOLD' SARIA LORTU DU PERTSONEN KUDEAKETAN

Lehenengo erakundea izan da Europan, Erresuma Batua kontuan izan gabe, onespen hau lortzen.

La Salle Berrozpek CHOICES GOLD saria lortu du eta, horrekin, Europako eta munduko erakunderik aurreratuenen artean kokatzen da Pertsonen Kudeaketan. Ikastetxe gipuzkoar honek Investors in People auditoriako puntuaziorik altuena lortu du eta Europari dagokionez (arauaren sustatzatzaile den Erresuma Batua kontuan izan gabe) onespen hori irabazten lehenengoak izan dira. Investors in People pertsonen kudeaketako jardunbide egokiari dagokion nazioarteko eredu malgua da. Pertsonen kudeaketaren bikaintasunari dagokionez mundu mailan dagoen onespenik garrantzitsuena eta zabalduena dugu lorpen hori. Maila handiko balio erantsia eta berezitasuna ematen dizkio jasotzen duen erakundeari. Investors in People-ek munduan zabaldurik dauden mota guztietako 70.000 erakunderen artean, Pertsonen Kudeaketa alorreko jardunbide egokienen Benchlearning bat egitea ahalbideratzen du.

SESTAO - DBHko 4. MAILAKO AZKEN AGURRA.

Egun berezia ostiralekoa. Dotorez jantzita han azaldu zitzaizkigun 4.mailako ikasleak, guraso eta lagun minekin. Une unkigarria izan zen eta emozioz betea. Bi urtekin sartu ziren haur txikiak, gaur agur esaten zioten Begoñakori 16 urte beteta.
Hitza hartu zutenak, eta power point-en bitartez kontatu zitzaiguna, bizitako momento politenak azpimarratu nahi izan zuten. Luntx batekin eman genion amaiera topaketari. Badakite ikastetxe hau beraientzat irekia dagoela beti.
(Argazki gehiago)

AURTEN ERE SARIDUNAK: KOSMODISEA LEHIAKETA

Ikasturte honetan, gaitasun ekintzaile eta digitala garatu nahi dituen lehiaketako 4.edizioa egin da, eta aurten ere “etxera” sari batekin itzuli gara. Administrazio eta finantzak Goi mailako heziketa zikloko 1.mailako taldeak Kosmodisean hilabete hauetan egindako lana eta proiektu batzuengatik 3. saria lortu dute. Zorionak bada, talde horretako irakaslea den Josune eta G1A-ko ikasleei.

IRUNGO LA SALLE: EUROSCOLA 2010 SARIA

Irungo La Salleko Batxillergoko lehenengo mailako ikasleek, Euroskolako XVI deialdian, Euskadi mailan lehenengo postua eta estatu mailan hirugarren postua lortu dute. Europar batasuneko Pobreziaren eta bazterketa sozialaren aurkako urtearekin bat eginda, dealdiaren gai nagusiak, arazo larri honen aurrean gazteen kontzientziazioa eta bolondres lana sustatzea izan du helburu.
Estrasburgoko Europar batasuneko parlamenturako bidaia izan da saria. Bertan, beste herrialdetako ikasleekin batera, europarlamentari papera hartu ahal izango dute egun batez. ZORIONAK!

LIBURU AZOKA SOLIDARIOA

Aurten, La Salle Bilbao Ikastetxeko Lehen Hezkuntzako ikasleek eta irakasleek liburu azoka solidario bat antolatu dugu Salletar ONGDarekin txiroenei laguntzeko asmoz.

Ostiralean, apirilaren 23an, arratsaldeko lauretatik aurrera, Bilboko La Salle ikastetxean seigarren mailako guztiok parte hartu genuen azoka honetan. Hiruhilabetean zehar ilusioz beterik dena prestatu dugu,(liburuak jaso, kutxetan sailkatu, publizitate kartelak egin) baina, garrantzitsuena izan dena jendearen ilusioa eta gogoa izan da, hona etortzen libururen bat erosteko. Liburu azoka ikastetxekoentzat egin dugu, ez irakurtzeari ezta laguntasunari ere uko ez egiteko.

Ondorioak ikaragarriak izan dira, dena ondo egon zelako eta gainera 1023 euro lortu ditugu!!!!

Andoaingo La Salle-Berrozpe ikastetxeak aurten ere lortzen du ISO ziurtagiria berritzea.

Pasa den otsailaren 9an Heziketa ez arautuko arloak (Heziketa Iraunkorra lanean dauden pertsonentzako eta Heziketa Okupazionala langabezian daudenentzako) AENOR-urterako auditoretza pasa zuen.
2011n 10 urte beteko dira La Salle-Berrozpe ikastetxeak lehenengo ziurtagiria.

Zoriontzen ditugu irakaskuntza eta ez irakaskuntzako taldeak, beraiei esker, bai La Salle Berrozperentzat eta baita bere gizarte eta enpresaritza inguruarentzat ere hain garrantzitsua den zerbitzu honek, ISO ziurtagiriak suposatzen duen errekonozimendu ofiziala urtero lortzen baitu.

Gipuzkoa 1 eskualdeko Kristau Elkarteek antolatutako hitzaldia eta elkarrizketa TOÑO BADIOLAREKIN

- Urtean behin egiten den topaketa. Ebaluaketa oso baikorra du ekitaldi honek.
- Aurten Eibar, Beasain eta Zumarraga izan dira parte hartzaile.
- Denetara: 32 pertsona (irakasleak eta zerbitzuko pertsonak)
- Hizlaria:TOÑO BADIOLA (Informazio gehiago)

TANDANACUI TOPAKETA

Martxoaren 13.an TANDANACUI taldeen topaketa izan zen San Asension. 88 neska- mutil joan ziren eta 18 monitore. Bilbokoek prestatu zuten eguna
(Argazkiak)

Donostiako La Sallek, Joxe Arizmendiarrietaren eskutik belaunaldien arteko
esperientzia izeneko programa aurrera eraman du, BTX 2ko erlijio-klase eta
Justizia eta Bakea programaren barruan. Anai Luis Garitanorekin hasi genuena
jarraipena emateko asmoa dugu. (Informazio gehiago)

"Eskubideak eta betebeharrak" kanpainaren sari banaketa

Sestaoko Begoñako Andra Mari Ikastetxeak "Dile algo" lehiaketaren saria jaso du. Ekimena "Eskubideak eta betebeharrak" kanpainaren baitan antolatu da.

60 ikastetxek hartu dute parte ikasleen artean bizikidetzarako jokabide onak saritzea helburu duen ekimen honetan. Hezkuntza Berriztatzeko zuzendariak ikasleak "norberaren eta bere ikaskideen jokabideei buruz gogoeta egitera" bultzatu nahi izan ditu, "gizarte demokratiko bat lortzeko" . (Informazio gehiago)

2010 - Martxoak 3 – 6
ALCAGIk antolatzen du eta La Salle San Luisek laguntzen du.

(Informazio gehiago) (Eskutitza)

Innobasque-k antolatutako “First Lego Leage – Euskadi” lehiaketan,
La Salle Berrozpeko DBHko 4.mailako hainbat ikaslek saria lortu dute.

ZORIONAK! La Salle Berrozpeko DBH-ko 4. mailako hainbat ikaslek Innobasque-k antolatutako “First Lego Leage – Euskadi” lehiaketan parte hartu dute eta emaitza bikainak lortu dituzte: robot diseinu onenaren saria (Xabi, Jon, Olatz, Miriam, Leire eta Xabi Puertas entrenatzailea) eta Sormena eta Berrikuntzaren saria (Aitor, Imanol, Itziar, Irati, Mikaela eta Iñigo Amenabar entrenatzailea). Azken horiek, otsailaren 21ean, Bartzelonan ospatuko den Espainiako lehiaketarako txartela lortu dute. Irakasle eta ikasleen arteko bi hilabetetako lana izan da eta merezi izan du. Lehiaketa honetan Euskadiko ikastetxe ezberdinetako 10-16 urte arteko neska-mutilez osatutako 20 taldek hartu dute parte eta helburu nagusia zientzia eta teknologia arloetan ikasleak motibatzea da

Salletarren Topaketa, 2010ko otsailak 20
Gure gogoetak zehaztu nahi du zer suposa dezakeen begirada solidarioa izateak gure salletar hezkuntza misioan, gure ikasgeletan eta tailerretan, gure patioetan eta aisialdiko jardueretan, gure hiri eta herrietako kaleetan eta auzoetan,... Halaber jakin nahi du zer suposa dezakeen begietan bukatzen ez den begirada, bihotzera, ezpainetara, oinetara eta eskuetara iristen den begirada, hain zuzen. (Informazio gehiago)

Beasain
Urrezko Q sarien banaketa
(Argazkiak)

Eibar Azitain
Zilarrezko Q sarien banaketa
(Argazkiak)

Azaroan zehar, EUSKALIT, Bikaintasunerako Euskal Fundazioak, gure Sareko bi ikastetxei jakinarazi die Urrezko Q eta Zilarrezko Q-a lortu dutela.

Hala nola, Beasaingo La Salle-San Jose Ikastetxeak Urrezko Q-a lortu du.

Eibarko Azitaingo Andre Maria Ikastetxeak Zilarrezko Q-a lortu du.

Berri pozgarri hau zabaltzeaz gain, har bezate bertako Zuzendariek eta Hezkuntza Elkarteek gu guztion zorionik beroena, ondotxo baitakigu zernolako ahalegin haundi eta batua dagoen horrelako lorpenaren atzean.

Ikasturte hasierako lehenbiziko bilera ospatu genuen Donostian irailaren 26. an, gure helburuak eta jarduerak antolatzeko. Bilbao, Donostia , Andoain eta Irungo arduradunak etorri ziren.Ez dezagula galdu gure begiradaren norabidea.

(Argazkiak)

Mundu zabala, errealitate anitz.

Irailak 26an sentsibilizazio jardunaldi honen zazpigarren edizioa ospatuko da Donostian
Irailak 26, larunbata
Gipuzkoako plaza, Donostia
11etatik 14ak arte  
Euskadiko Garapenerako Gobernuz Kanpoko Erakundeen Koordinakundeak, Gipuzkoako ordezkaritzaren bitartez, MUNDU ZABALA, ERREALITATE ANITZ izeneko sentsibilizazio jardunaldia abian jarri du, zazpigarren urtez, Donostiako Udaleko Berdintasun eta Lankidetza atalaren laguntzari esker. (Informazio gehiago)

Gure ikastetxetako Pastoralatza Arduradunak, San Asension bildu ziren irailaren 3.an. Behar izango diren hainbat materialen banaketa egin zen eta gune berezia eskeini zitzaion Barnetasunaren Plana aurkezteari eta Kristau Mezua esplizituki nola lantzen dugun aztertzeari, guztion artean erantzun genuen galdetegia aztertuz. (Argazkiak)